Junagadh News: જૂનાગઢ ITIમાં ઓગસ્ટ-2023 પ્રવેશસત્રમાં ખાલી રહેતી બેઠકો માટે 31 ઓગસ્ટ સુધી ઓનલાઇન ફોર્મ ભરી શકાશે.
- રોજગાર અને તાલીમ ખાતાના નિયંત્રણ હેઠળની રાજ્યની સરકારી ઔદ્યોગિક તાલીમ સંસ્થા, જૂનાગઢ (ITI Junagadh) માં કેટલાક વ્યવસાયોમાં પ્રવેશસત્ર ઓગસ્ટ-2023 માં જૂજ બેઠકો ખાલી રહેલ છે.
- આથી પ્રવેશ લેવા ઈચ્છુક ઉમેદવારોએ ITI સંસ્થા ખાતેથી તેમજ ઇન્ટરનેટના માધ્યમથી ઓનલાઈન નીચે આપેલ વેબસાઇટ ઉપરથી નવીન ફોર્મ ભરીને સંસ્થા ખાતે પ્રવેશ મેળવવા ઈચ્છતા હોય તે સંસ્થા ખાતે રૂ.50/- રજીસ્ટ્રેશન ફી સાથે જરૂરી પ્રમાણપત્રો સહિત પરત જમા કરાવવાનું રહેશે.
- પ્રવેશના ચોથા રાઉન્ડ અંતર્ગત ઓનલાઈન ફોર્મ ભરી રજીસ્ટ્રેશન ફી ભરી પ્રવેશ કન્ફર્મ કરાવવા તા.23 ઓગસ્ટ થી તા.31 ઓગસ્ટ સુધી કાર્યવાહી કરવાની રહેશે, તેમજ પ્રવેશ સત્ર 01 સપ્ટેમ્બરથી શરૂ થશે.
- જે ઉમેદવારો એ અગાઉ ઓનલાઈન પ્રવેશ ફોર્મ ભરેલ હોય અને કોઈ કારણસર પ્રવેશ મેળવી શકેલ ન હોય તેવા ઉમેદવારોએ અલગથી રજીસ્ટ્રેશન ફી ભરવાની રહેતી નથી.
- તેઓએ ઓનલાઇન પ્રવેશ ફોર્મ, રજીસ્ટ્રેશનની રસીદની ઝેરોક્ષ નકલ સહિત સંબંધીત સંસ્થાને અરજી કરવાની રહેશે.
- બેઠકો ભરવાની ચોથા રાઉન્ડ કાર્યવાહી સરકારી ઐાદ્યોગિક તાલીમ તાલીમ સંસ્થા જૂનાગઢ ખાતે કરવામાં આવનાર છે.
- જેનો ઈચ્છુક ઉમેદવારોએ લાભ લેવા જૂનાગઢ આઈટીઆઈ દ્વારા જણાવવામાં આવ્યું છે.
