“શ્રી ગ્રામોદ્યોગ મંદિર પ્રાથમિક શાળા ખાતે વિદ્યાર્થીઓ અને શિક્ષકો દ્વારા 165 જેટલા વૃક્ષોનું ઘનિષ્ઠ પદ્ધતિથી વાવેતર કરવામાં આવ્યું.”
- શાળાએ આવવાનાં રસ્તાની બંને બાજુએ ખાલી પડેલી જગ્યામાં શાળાના ઇકો ક્લબ દ્વારા કક્ષા 6 થી 8 નાં 98 બાળકો દ્વારા 165 જેટલા વૃક્ષોનું ઘનિષ્ઠ પદ્ધતિથી રોપણ કરવામાં આવ્યું.
- વૃક્ષોનું જતન અને જાળવણી કરવી એ વિદ્યાર્થીઓએ પોતાની જ જવાબદારી સમજીને રોપેલા વૃક્ષોને પોતાની જ પાણીની બોટલથી પાણી આપવાની પ્રતિજ્ઞા લીધી.
- વિદ્યાર્થીઓ શાળામાં અભ્યાસ પૂર્ણ કરીને ગયા પછી પણ શાળામાં પોતાની યાદગીરી કાયમ અમર રાખીને જશે.
- ઇકો ક્લબના નોડલ શિક્ષક ડો.પૂર્ણાશુંભાઈ દુધાત્રા એ સૂચવ્યું હતું કે, ” સામાન્ય રીતે બે વૃક્ષો વચ્ચેનું અંતર 8 થી 10 ફૂટ સુધીનું હોય છે,પરંતુ આ વૃક્ષારોપણની પદ્ધતિ મીયાવાકી પદ્ધતિ છે.
- આ પદ્ધતિ જાપાનીઝ બોટનિસ્ટ અરિકા મીયાવાકી દ્વારા પ્રેરિત છે.જેમાં વૃક્ષોનું વાવેતર 3 થી 3.5 ફૂટના અંતરે કરવામાં આવે છે.
- વિદ્યાર્થીમાં નાનપણથી જ પર્યાવરણનું સંવર્ધન અને સંરક્ષણ થાય તે માટે વિવિધ પ્રવૃત્તિઓ કરાવવામાં આવે છે.
- વિદ્યાર્થીઓ દ્વારા ‘ઇકો બ્રિક્સ’ બનાવી પ્લાસ્ટિકના દૂષણને દૂર કરવામાં આવે છે,ઉપરાંત પ્રકૃતિ શિક્ષણ શિબિરમાં વિદ્યાર્થીઓને વન્યજીવ અને વન્યસૃષ્ટિ અંગે જ્ઞાન આપવામાં આવે છે.
- વૃક્ષારોપણ કાર્યક્રમ દરમ્યાન વિદ્યાર્થીઓ અને શિક્ષકોનો નોંધપાત્ર ફાળો રહ્યો હતો.
