Topic 6: ખાડાગઢ
નયન રમ્ય સુંદરતામાં કલંકરૂપી રસ્તાઓ લજવે છે જુનાગઢમાં,
ઓ પ્રજા, હદ છે સહનશીલતા કેરી નાચ નચાવે વાહનોમાં,
ચાંદ માં પણ ડાઘ છે એવું મન મનાવે ખાડાગઢમાં.
—————X———-X—————-
Topic 5 : તળાવની પાળ
તળાવની પાળ પર બેસીને ગુજારેલી સોહામણી સાંજ એ યાદગાર,
હાથ લઈ હાથમાં ગમતી વ્યક્તિનો, અહા પળ એ મજેદાર,
ઝીલે પ્રતિબિંબ સાંજનું ‘ને માણસને પોતાનાથી કરતું એ માહિતગાર.
—————-X—————X——————
Topic 4: શિવ અને ગિરનાર
ગિરનારની તળેટીમાં સ્થાન છે સોહામણું,
ભયંકર એ ભોળાનું રુપ છો બિહામણું,
શિવરાત્રીએ આવતાને કુંડમાં સમાવતા,
હરહરના નાદ સાથે, અલગારી ભેખ ધરી,
જીવને સમાવી દાસી મૃત્યુને સજાવતા.
———————–X———————–
Topic 3: વિલીંગ્ડન ડેમ
ખજાનો તું જૂનાગઢનો અમૃત સાચવી રાખે છે,
નામ વિદેશી જોવામાં તું રાધાનો શ્યામ લાગે છે,
પણ માપમાં રહેજે વ્હાલાં,
બહુ છલકિશ નહીં તારાથી ડર લાગે છે.
———————–X———————–
Topic 2: ચોમાસામાં ‘ચા’
મહેક ભીની માટીની જ્યારે ઉકળતી ચાની સુવાસમાં ભળે છે,
ટપકે અમૃત ઘરની બહાર‘ને અંદર ‘ચા’હતનો નશો ચડે છે.
———————X—————————-
Topic 1: ચોમાસામાં ભવનાથ
આતુર આવકારવા પ્રિયતમા વર્ષાને, પાથરી છે ઝાઝમ જોને લીલી વનરાઈએ,
ઉર મહીં ઊગ્યું છે સ્વર્ગ સમું સૌંદર્ય, નીતરતી નાર સમો ગરવો શરમાઈને.